ජල ටැංකි පූජාවක් සඳහා සම්බන්ධීකරණය දැක්වීම
වනවාසී භාවනානුයෝගී ස්වාමීන්වහන්සේලා වැඩ වසන දුෂ්කර කඳු මුදුනක පිහිටි ගල්ලෙන් ආරාමයක් වෙත තෙවන ජල ටැංකියද පූජා කරන්නට යෙදුණා. මීට පෙර ජල ටැංකි දෙක මාගේ වියදමින් පූජා කල අතර මෙම තෙවන ජල ටැංකිය සඳහා මාගේ මැදිහත් වීමෙන් Ishara Deshan මහතා අවශ්‍යය මූල්‍ය දායකත්වය දරනු ලැබුවා... මෙම ගල්ලෙන ආසන්නයේ ඇති එකම ජල මූලාශ්‍රය වැසි අවස්ථාවල පමණක් ඇතිවන කුඩා දිය උල්පතක් පමණක් වන අතර භාවනා කටයුතු කරන භික්ෂූන් වහන්සේලා හට ජලය එක්රැස් කරගෙන තබාගැනීමට මෙම ජල ටැංකි මහත් උපකාරයක් වනු ඇති... ආපිකෝ හයිබ්‍රිඩ් වර්ගයේ 2000L ජල ටැංකියක් මෙලෙස පූජා කරන්නට යෙදුණේ...
මෙයින් අනූඑක්වන කපෙහි බන්දුමතී නගරයෙහි වතුර ඇද දීමෙන් පවුල රකින දුගී කතක් වූවාය. එකල එහි බුදුරදුන් ඇත ද මහ සඟන ඇත ද දිළිඳු වූ ඇයට දන් දීමට කිසි වස්තුවක් නො තිබිණ. එබැවින් ඕ පහන් සිතින් විහාරයෙහි පැන් තැබීම කළාය. ඕ තොමෝ මරණින් මතු ඒ පිනෙන් තව්තිසා දෙව්ලොව දෙව්විමනක දහසක් දෙවඟනන්ට ප්‍රධානව උපන්නාය. ඕ ආයුෂයෙන් ද රූපශෝභාවෙන් ද සැපයෙන් ද පිරිවරින් ද ආධිපත්‍යයෙන් ද රූපයෙන් ද ශබ්ධයෙන් ද ගන්ධයෙන් ද රසයෙන් ද ස්ප්‍රෂ්ටව්‍යයෙන් ද යන කරුණු දසයෙන් අන් දෙවඟනන් ඉක්ම සිටියා ය. සසර සැරිසරන්නාවූ ඕ ඒ පිනෙන් පනස් වරෙක දෙව්රජුන්ගේ මෙහෙසිය වූවාය. විසිවරෙක සක්විති රජුන්ගේ මෙහෙසිය වූවාය. අනූ එක් කපක් මුළුල්ලෙහි දේවමනුෂ්‍ය දෙගතිය හැර අන් ගතියකට නො ගියාය. අහසෙහි වුව ද කඳු මුදුනකදී වුව ද පැන් වුවමනා වෙතහොත් ඇයට සැණෙකින් පැන් ලැබෙන්නේ ය. ඇගේ ශරීරයට කිසි විටෙක උෂ්ණයෙන් පීඩාවක් නො වීය. ඕ මෙසේ දීර්ඝ කාලයක් ඒ පිනෙන් දෙව් මිනිස් සුව විඳ අප බුදුන් කල මිනිස් ලොව ඉපද පැවිදිව සව් කෙලෙසුන් නසා රහත්ව නිවන් පුරයට පිවිසියාය. ඕ බුදුසස්නෙහි උදක දායිකා ථෙරි යන නමින් ප්‍රසිද්ධ වූවා ය.Alawathukanda Aranya Temple
(රු.) 0.00
💧මේ ටැංකි ජලයෙන් පිරි ඉතිරෙන්නේ යම් සේද මාගේ මෙලොව පරලොව ඉෂ්ඨ වූ බලාපොරොත්තුද ඒ අයුරින්ම පිරි ඉතිරී සඵල වේවා... නිවන් දක්නා ජාති දක්වා සතර අපාගත උපතක් නොමවේවා...🙏 නිවන් දක්නා ජාති දක්වා මිත්‍යාදෘශ්ටික නොවේවා...🙏 නිවන් දක්නා ජාති දක්වා ප්‍රිය විප්පයොගයක්, විරහ වේදනාවක් කිසි කලෙකත් නොවේවා...🙏
🙏 මාගේ දෙමව්පියන්ද ඇතුළුව මාගේ ජීවිතයේ අපහසුම අවස්ථාවලදී මා හට ශක්තියක් වූ නම් සඳහන් නොකල හැකි විශේෂ පුද්ගලයන්ටද මෙය නොදැක්කා නොඇසුනා වුණත් මේ පිනේ කුසලයේ ආනුභාවයෙන් යහපතක්ම වේවා... දෙව් මිනිස් සැප කෙලවර නිවන් පිණිසම හේතු වේවා...🙏 ☸️ මෙය දකින ඔබද තමා සියතින් කලාසේ සිතා සතුටු සිතින් අනුමෝදන් වේවා.. සියළුම දිව්‍ය අමනුෂ්‍යන්ද සතුටු සිතින් අනුමෝදන් වේවා.. 🙏 එම සෙනසුනට වනයට අධිගෘහතව වැඩ වසන්නා වූ දෙවියෝද සතුටු සිත් ඇතිකරගනු ලබත්වා... එම ටැංකිය ඉහල කඳුමුදුන වෙත ඔසවා ගෙනැවිත් දුන් පිරිසටද මේ පින් අනුමෝදන් වේවා...🙏
2025-01-14 17:05
Log in to bookmark this Pinkam.
You must be logged in to post a comment.
Comments:
No comments yet. Be the first to comment!